VN-vredebewaarders ruil glo kos vir seks
2011-09-01 18:56
Abidjan – Volgens Wikileaks het VN-vredebewaarders kos
en verblyf aan minderjarige meisies in die Ivoorkus gegee in ruil vir seks.
Die Amerikaanse diplomatieke nota wat in
Januarie 2010 geskryf is, fokus op die gedrag van vredebewaarders van Benin wat in Toulepleu in die weste van die Ivoorkus gestasioneer was.
‘n Peiling wat in 2009 onder minderjarige
meisies in Toulepleu gedoen is, het aangedui dat agt uit tien meisies seksuele verhoudinge
met Beninese soldate gehad het in ruil vir kos of verblyf.
‘n Woordvoerder van die Verenigde Nasies,
Michel Bonnardeaux, het bevestig dat 'n jaar lange ondersoek daartoe gelei het dat 16 VN-vredebewaarders na Benin teruggestuur en uit die VN geskors is.
Volg Nuus24 op Twitter.
- Sapa - AP