VN sê daar is geen massagrafte in Soedan
2011-08-24 13:08
Kartoem – Die Verenigde Nasies (VN) se gesant in Soedan het nuwe bewerings van ‘n Amerikaanse groep wat sê dat daar agt massagrafte in dié land se Suid-Kordofan-omgewing geïdentifiseer is, van die hand gewys.
Die projek Satellite Sentinel, wat in Washington gebaseer is, het Woensdag in ‘n verklaring gesê dat hy nog twee grafte ontdek het saam met ses ander waaroor die organisasie voorheen gerapporteer het.
“Daar is geen bewyse van massagrafte in daardie omgewing nie,” het Daffa-Alla Elhag Ali Osman, Soedan se VN-ambassadeur, gesê.
Osman het gesê dat daar uiteraard talle slagoffers in die geweldgeteisterde omgewing was, maar dat hul sterftes veroorsaak is deur die weermag van Suid-Soedan wat onlangs sy onafhanklikheid gekry het.
– Volg Nuus24 op Twitter.
- Reuters