VN: Soedan sê Abyei-inwoners kan terugkeer
2011-06-07 10:20
Kartoem - Sekretaris-generaal Ban Ki-Moon van die Verenigde Nasies het Maandag gesê die Soedannese regering het gesê hy sal omstandighede skep waarin duisende inwoners wat uit die omstrede Abyei-gebied gevlug het, daarna sal kan terugkeer.
Ban het gesê dit is nog te vroeg om “te sê dat etniese suiwering besig is om in daardie omgewing te gebeur.”
Hy het egter ook erken dat daar ‘n konfidensiële verslag deur die VN-sending in Soedan is wat waarsku teen die inval van Abyei deur die weermag. Dit kan glo na “etniese suiwering” lei as die omstandighede nie geskep word waarin meer as 30 000 lede van die Dinka Ngok-stam na hulle woonplekke kan terugkeer nie.
“Ons wend ons beste pogings aan om te verhoed dat so iets gebeur,” het Ban gesê.
“Die saak is onder die aandag van dié land se owerhede gebring, wat aangedui het dat die omstandighede geskep sal word waarin die binnelandse ontwortelde mense kan terugkeer.”
- Volg Nuus24 op Twitter.
- Sapa - AP