Uitspraak in Mubarak-saak in Junie
2012-02-23 11:00
Kaïro – Die regter in die verhoor van die voormalige president van Egipte, Hosni Mubarak, sal op die 2de Junie uitspraak lewer in die saak, berig RSG.
Die hoofstaatsaanklaer in die verhoor het tydens sy slotbetoë gesê die voormalige Egitiese president moet die doodstraf opgelê word.
Die oudpresident, sy minister van binnelandse sake, Habib Al-Adly en ses senior amptenare is aangekla ná die dood van honderde betogers in 'n opstand verlede jaar.
Mubarak se seuns, Gamal en Alla, staan tereg op aanklagte van korrupsie.
– Volg Nuus24 op Twitter