Uganda verban vroulike besnydenis
2009-12-12 01:00
Kampala – Owerhede in Uganda sê die parlement het ‘n wetgewing wat vroulike besnydenis verban, goedgekeur.
James Nsaba Buturo, Uganda se minister van etiket en integriteit, het gesê dié nuwe wet sal dit moontlik maak om oortreders met lewenslange tronkstraf te vonnis.
Vroulike besnydenis word meestal in die noorde van Uganda toegepas.
Sowat 3000 jong meisies word elke jaar in Desember besny. Dié gebruik kan glo lei tot probleme tydens geboorte en neem glo ook enige plesier vir vroue tydens seks weg.
Vroulike besnydenisse is in meer as ‘n dosyn Afrika-lande onwettig, maar dié wetgewing word selde toegepas.
- Sapa