Uganda: Vloede laat 300 000 dakloos
2010-03-09 05:06
Kampala – Ongeveer 300 000 mense is in die ooste van Uganda dakloos gelaat, het Musa Eceru, ‘n kabinetminister Maandag gesê.
Die regering het vir hulp gevra, sodat verligting gebring kan word aan diegene wat nie huisvesting het nie.
“Die vloede het meer as 300 000 mense in drie distrikte geraak. Ons probeer nou geld insamel vanaf plaaslike en internasionale bronne kry, om die mense te help” het Eceru gesê.
Swaar reën het verlede week ‘n reeks grondstortings op Mount Elgon veroorsaak, met meer as 300 mense wat lewendig begrawe is.
Reddingswerkers werk onverpoosd om liggame uit die modder en swaar rotse te grawe. Die Verenigde Nasies se kinderorganisasie, UNICEF het die aantal liggame wat reeds gevind is op 88 beraam.
- Sapa-dpa