Uganda: Selfmoordbommer wás betrokke
2010-07-14 13:47
Kampala - 'n Selfmoordbomaanvaller wás betrokke by een van die twee bomaanvalle wat die Ugandese hoofstad van Kampala die afgelope naweek geruk en die lewens van minstens 76 mense geëis het, het 'n regeringsbeampte Woensdag bevestig.
Die aanvaller het homself by 'n Ethiopiese restaurant in Kabalagala, 'n suidelike Kampala-distrik, opgeblaas waar skare byeengekom het om die Wêreldbeker-eindstryd Sondag te kyk.
"Ons kan bevestig dat die aanval in Kabalagala 'n selfmoordbomaanvaller was," het Matia Kasaija, minister van binnelandse sake gesê.
"Ons het verdagtes ook in hegtenis geneem. Sommige is Ugandese en sommige Somaliërs."
Die polisie in Uganda het Dinsdag begin om bewyse vir ondersoek te versamel.
Volg Nuus24 op Twitter
- Sapa - AFP