Uganda: 'Erge' gays kan doodstraf kry
2009-12-10 16:37
Kampala - Uganda sal terugkeer na die dae onder Idi Amin as die land wetgewing toelaat waarvolgens mense in hegtenis geneem kan word en selfs die doodstraf kan kry oor homoseksualiteit.
Aktiviste wat vir gay-regte veg het die voorgestelde wetgewing vergelyk met 'n omstrede bevel wat in 1972 deur die voormalige diktator, pres. Idi Amin, gegee is.
Amin het opdrag gegee dat alle Asiërs, selfs dié wat in Uganda gebore is, uit die land verban moet word.
Die voorgestelde wet, wat onder bespreking is in die Ugandese parlement, sal “erge homoseksualiteit” met die dood kan straf.
"Hierdie is ‘n manier om spesifieke mense te teiken en dood te maak, soortgelyk aan die taktieke van Idi Amin," het Jacqueline Kasha, ‘n lesbiese Ugandese menseregte-aktivis, gesê.
"Daar is reeds ‘n wet oor homoseksualiteit,” het Jacqueline Kasha, ‘n lesbiese Ugandese menseregte-aktivis, gesê.
Aktiviste sê dié voorgestelde wet kan sowat 'n halfmiljoen homoseksuele, biseksuele en transseksuele Ugandese in ballingskap sien tree.
Hulle sal tien teen een uit die land moet vlug om vervolging vry te spring, meen die aktiviste.
Homoseksualiteit is onwettig in Uganda. Die land se gereg stel voor dat mense wat hulle herhaaldelik aan homoseksualiteit skuldig maak met die doodstraf gevonnis word.
Kasha sê dié wet oortree alle aspekte van menseregte.
- Sapa