Twee sterf in aanvalle in Nigerië
2012-01-07 18:31
Kano – Minstens twee mense is in ‘n noordoostelike Nigeriese dorp dood in ‘n aanval deur gewapende Islamiete wat later met sekuriteitsmagte in gevegte betrokke geraak het, het ‘n verpleegster Saterdag gesê.
“Twee lyke, van ‘n polisieman en ‘n Igbo-handelaar, is na die lykshuis gebring. Hulle is in die aanvalle gisteraand dood,” het die verpleegster by die Potiskum-hospitaal gesê.
Volgens inwoners is die twee doodgeskiet toe gewapende mans drie banke beroof het.
Die polisieman het wag gestaan by een van die banke, terwyl die handelaar in die kruisvuur getref is toe hy van sy winkel, wat langs die bank is, probeer vlug het.
Honderde mense het Saterdag uit hul huise in Potiskum gevlug ná dodelike gevegte tussen Islamiete en sekuriteitsmagte deur die nag.
– Volg Nuus24 op Twitter
- AFP