Twee Russiese vlieëniers ontvoer
2010-08-30 14:11
Darfoer – Twee Russiese vlieëniers wat vanuit Darfoer werk, is deur onbekende gewapende mans ontvoer.
Dit is die tweede keer in een maand dat buitelanders in die oorloggeteisterde Soedan ontvoer word.
Die vlieëniers is uit Nyala, die hoofstad van Suid-Darfoer, ontvoer, het woordvoerder Sawarmi Khaled Saad gesê.
Die twee vlieëniers het blykbaar vir die privaat lugredery Badr gewerk.
In Augustus is twee Jordaanse polisie-adviseurs wat vir die Verenigde Nasies gewerk het, ontvoer.
Hulle is twee dae later vrygelaat.
Abdel Hamid Kasha, goewerneur van Suid-Darfoer, het gesê daar is nog geen besonderhede rondom die mees onlangse ontvoering bekendgemaak nie.
Volg Nuus24 op Twitter.