Tunisiese polisiebeamptes tronk toe vir moord

2012-05-03 11:02

Tunis – 'n Tunisiese hof het twee polisiebeamptes elk 20 jaar tronkstraf opgelê nadat hulle verlede jaar 'n betoger vermoor het, het 'n regterlike bron gesê.

Die hof het die beamptes verder ook 80 000 dinars elk (sowat R401 000) beboet vir hul rol in die dood van Salim al-Hadhary, het die bron gesê. Dié geld sal aan die slagoffer se familie gegee word.

Meer as 300 mense is dood in die Tunisiese opstand wat in Desember 2010 begin het.

– Volg Nuus24 op Twitter.

- Reuters