Tunisië: 84 joernaliste vanjaar aangeval

2012-10-05 13:16

Tunis – Minstens 130 aanvalle op persvryheid is vanjaar in Tunisië aangemeld, het die mediaregte-groep Reporters Without Borders (RSF) gesê.

"Sowat 130 aanvalle op persvryheid is al sedert 1 Januarie 2012 aangemeld. Van hierdie 130 was 84 direkte aanvalle op joernaliste,” het Olivia Grey, die RSF hoof in Tunisië, gesê.

“Daar is gemiddeld drie aanvalle op joernaliste per week.”

Sedert verlede jaar se rebellie teen die voormalige diktator Zine El Abidine Ali in Januarie 2011 is joernaliste deur polisiebeamptes en betogers geteiken, wat beweer dat hulle oproerigheid veroorsaak deur hulle nuusdekking.

“As joernaliste skuldig is aan korrupsie is dit regverdig dat hulle verhoor word,” het Christophe Deloire, die RSF se voorsitter, gesê.

“Op die oomblik is dit net ‘n oefening om joernaliste te intimideer.”

– Volg Nuus24 op Twitter
 

- SAPA