Tsvangirai wil saamwerk, maar...
2009-10-21 15:30
Harare - Morgan Tsvangirai het weer sy besorgdheid rakende die mislukte magsdeling ooreenkoms met Robert Mugabe uitgespreek.
Tydens ‘n besoek vandeesweek aan Mosambiek het Tsvangirai sy verbintenis aan die Zimbabwiese eenheidsregering bevestig.
Hy het egter bygevoeg dat hy slegs weer met Mugabe se Zanu-PF sou saamwerk as “die magsdeling ooreenkoms in sy totaliteit ingestel word”.
Hy het tydens ‘n vergadering met pres. Armando Guebuza, voorsitter van die Suider Afrikaanse Ontwikkelingsgemeenskap (SAOG) se paneel oor verdediging en sekuriteit, gesê hy is besorgd oor kwessies wat onopgelos bly in die koalisieregering.
Die paneel het voorgeneem om later die week verteenwoordigers na Zimbabwe te stuur om die situasie te beoordeel.
Hulle sal met MDC en Zanu-PF amptenare vergader, sowel as met Mugabe.
Tsvangirai is veral besorgd oor Mugabe se aanstelling van sy kamerade as hoof van die Reserwe Bank en as prokureurgeneraal en Mugabe se selektiewe toepassing van geregtelikheid.
- Sapa