Tsvangirai wil redder van Zim se ekonomie wees
2011-05-03 13:22
Harare - Morgan Tsvangirai, Zimbabwe se premier, het gesê sy party, die Movement for Democratic Change (MDC), kan die land se ekonomie van “totale ondergang” red en dit binne die volgende 30 jaar met 10% per jaar laat groei.
“Die idee is om ‘n ekonomie van $100 miljard (sowat R665 miljard) binne die volgende 30 jaar te skep,” het Tsvangiari gesê nadat sy herverkiesing as partyleier Saterdag bevestig is.
“Dit is slegs ‘n MDC-regering wat die kapasiteit en die ondersteuning het om die ekonomie met 10% per jaar te laat groei,” het hy gesê.
“Slegs ‘n MDC-regering, wat ek trots is om te lei, het die kapasiteit om die ekonomie van totale ondergang te red.”
- Volg Nuus24 op Twitter.
- AFP