Tsvangirai waarsku oor hervormings
2011-12-16 09:00
Harare – Morgan Tsvangirai, Zimbabwe se eerste minister, waarsku dat belangrike hervormings nodig is voordat geloofwaardige verkiesings in die land gehou kan word.
President Robert Mugabe het gesê hy wil 'n vroeë verkiesing hê wat vroeg aanstaande jaar moet plaasvind, aangesien sy magsdelings-ooreenkoms met Tsvangirai uitmekaar val.
Tsvangirai het toegegee dat die koalisie onwerkbaar geword het. Hy het destyds in die 2008 presidentsverkiesing in die eerste ronde teen Mugabe voorgeloop, maar kon nie 'n volstrekte meerderheid kry nie.
Tsvangirai het hom toe aan die uitklopverkiesing onttrek en die geweld en intimidasie as redes aangevoer wat toe aan Mugabe 'n oorwinning besorg het.
– RSG
– Volg Nuus24 op Twitter