Tsvangirai terug in Zim-regering
2009-11-06 12:18
Maputo – Die premier van Zimbabwe, Morgan Tsvangirai, het Donderdag gesê hy het sy boikot van magsdeling met pres. Robert Mugabe beëindig, wat die land se regering vir drie weke lam gelê het.
Volgens Tsvangirai gaan ‘n konferensie wat deur verskeie leiers in Suidelike Afrika bygewoon gaan word, asook die land se drie grootste politieke partye, binne die volgende 15 dae besluit hoe om die situasie op te los.
“Binne die volgende 30 dae moet alles kwessie opgelos wees.”
Tsvangirai het sy bande met Mugabe se ‘onbetroubare en oneerlike’ party op 16 Oktober verbreek.
Volgens hom sal verhoudinge eers verbeter wanneer die onopgeloste sake uitgestryk is.
Mugabe het geen kommentaar gelewer nie.
Met Mugabe en Tsvangirai se twee partye wat saamgesmelt het, het die land se ekonomiese situasie verbeter. Maar die ooreenkoms was deurtrek met dispute oor die aanstelling van lede van die provinsiale regering en Mugabe se eensydige heraanstelling van Gideon Gono, hoof van die reserwebank , en Johannes Tomana die prokureur-generaal.
Tsvangirai se MDC-party beweer ook dat lede van sy party geteiken word vir geregtelike vervolging.
Donderdag se konferensie is gereël deur die Suider Afrikaanse Ontwikkelingsgemeenskap (SADC), wat tydelik bestaan uit Mosambiek, Swaziland en Zambië.
- Sapa