Tsvangirai breek bande met Mugabe
2009-10-16 15:23
Harare - Morgan Tsvangirai het aangekondig hy gaan samewerking met pres. Robert Mugabe se “oneerlike en onbetroubare” Zanu-PF party staak.
Hy sal egter nog saam met die koalisieregering saamwerk.
“Dit is ons reg om ons los te maak van ‘n oneerlike en onbetroubare vennoot,” het hy aan die media gesê.
Die terugtrekking van ministeriële kandidaat Roy Bennett se borgtog het opnuut die wankelrige ooreenkoms met Robert Mugabe onder die soeklig gebring.
“Alhoewel ons deel van die regering sal bly, maak ons ons los van die Zanu-PF en spesifiek van die kabinet en raadsvergadering.
“Tot en met vertroue en respek tussen ons herstel word.”
Volgens Tsvangirai het Bennett se arrestasie en aanhouding die “klug van die geloofwaardigheid en integriteit” van die Robert Mugabe se magsdeling uitgewys.
Roy Bennett was Tsvangirai se keuse as adjunk-minister vir landbou.
“Dit is nou vir ons duidelik dat ons ‘n onbetroubare vennoot in die oorgangsregering het,” het Tsvangirai gesê.
Tsvangirai het ‘n kabinetsvergadering gekanselleer nà ‘n landdroshof Bennett se borgtog teruggetrek het.
Bennett sal ook volgende week voor die hof te staan kom op aanklagte van terrorisme.
Sy vervolging het wêreldwyd kritiek uitgelok.
Die vurige koffieboer, wie se plaas onteien is onder Mugabe, is oorspronklik in Februarie, ‘n uur voor die inswering van die nuwe regering, in hegtenis geneem.
Sy saak het simbolies geword van onopgelosde uitdagings te midde bewerings van sterk optrede teen Tsvangirai-ondersteuners en geskille in die aanstellings van top amptenare.
- Sapa