Tsvangirai: Zim gereed vir verkiesing
2011-04-29 10:02
Harare - Morgan Tsvangirai, premier van Zimbabwe, het gesê 'n verkiesing sal binne 'n jaar in Zimbabwe gehou kan word.
Hy het gesê hy wil 'n uitslag hê wat nie betwis kan word nie.
“Die volgende regering sal 'n oplossing moet vind vir werkloosheid van meer as 85% en sal die ekonomie in die land moet laat herleef,” het Tsvangirai gesê.
Pres. Robert Mugabe wou 'n vroeë verkiesing gehad het om sodoende sy mag te behou. Sy onderhandelaars het egter ingestem tot 'n verkiesingsplan wat daartoe sal lei dat die verkiesing eers volgende jaar sal plaasvind.
Die koalisieregering tussen Mugabe se Zanu PF en Tsvangirai se MDC wat in 2009 tot stand gekom het, is bekend vir die onenigheid tussen die twee voormalige politieke teenstanders.
- Volg Nuus24 op Twitter.
- AFP