Taxidrywers: Ons soek geld, nie seks
2010-07-19 10:25
Wene - Taxi-bestuurders in Malawi het Sondag by die internasionale vigskonferensie gesê hulle wil hê passasiers moet met geld betaal nie seks nie.
"Baie meisies bied seks aan in plaas daarvan om die fooi te betaal," het Frank Mulawa, 'n 24-jarige fietstaxi-bestuurder van die Nsanje-area, gesê.
"Ons is arm. Ons het geld nodig, nie seks nie," het Mulawa gesê.
Mulawa, wat sedert die ouderdom van 14 'n fietstaxi bestuur, raam dat een uit vyf bestuurders MIV-positief is.
Hy en 'n groep van 20 kollegas het voorts 'n inligtingsveldtog begin vir passasiers en taxibestuurders.
Die bestuurders nader hul passasiers oor die Vigs-kwessie tydens ritte, en het ook uitgebrei na praatjies by plaaslike skole.
Maclean Sosono, hoof van die Vigs-hulporganisie Fast, wat die veldtog ondersteun, meen dit werp reeds vrugte.
"Te danke aan hierdie en ander projekte kom MIV minder voor in die distrik," het Sosono gesê.
Volg Nuus24 op Twitter.
- SAPA