Taxi-ongeluk in Kenia eindig 21 lewens
2009-07-22 10:34
Nairobi – Een en twintig mense is dood in ‘n ongeluk tussen twee taxis in suidwes Kenia.
Die hoof van die Keniaanse verkeersdepartement, James Adoli, het gesê die minibus-taxis was oppad na Kisii, ‘n prominente dorp in suidwes Kenia, toe die ongeluk laat Dinsdagaand gebeur het.
Volgens Adoli het die voertuie op ‘n skerp hoek in die pad gebots.
Paaie in dié deel van die land is bekend vir skerp hoeke en styl bulte. Taxibestuurders is egter berug daarvoor dat hulle die paaie teen ‘n hoë spoed aandurf om meer ritte, en dus meer geld, te maak.
Kisii is ongeveer 270 km wes van die hoofstad, Nairobi.
Minibus-taxis, of ‘matatus’, is Kenya se mees belangrike vorm van publieke vervoer.
- Sapa - AP