Tanzanië: Agt kry doodstraf vir albino-moorde
2011-11-21 23:08
Arusha – Mizengo Pinda, Tanzanië se premier, het Maandag gesê dat agt verdagtes met die doodstraf gevonnis is vir die moord op albino-individue sedert ‘n vlaag moorde wat met heksery verbind word in 2007 begin het.
Pina het in ‘n verklaring gesê dat 94 verdagtes in hegtenis geneem is en dat 11 sake voor die hof gebring is.
“Te danke aan hierdie pogings, het aanvalle op albinos aansienlik minder geword,” het Pinda gesê.
In Oktober is twee albino-tieners aangeval en van hulle liggaamsdele is afgekap.
Meer as 60 albinos is sedert 2007 in Tanzanië vermoor en hulle liggaamsdele word dan aan toordokters verkoop wat drankies daarvan maak wat glo geluk en voorspoed bring.
– Volg Nuus24 op Twitter.
- Sapa - AFP