Suid-Soedan-stem oorskry 60% merk
2011-01-12 22:35
Djoeba – Meer as 60% van
kiesers het reeds hul merk gemaak in Soedan se referendum. Die hoë opkoms van
kiesers beteken die resultaat van die stemming sal geldig verklaar word.
“Na drie dae van stem
is die 60% merk oorskry,” het Anne Itto van die suide se regerende Soedanse
Volksbevrydingsbeweging (SPLM) gesê.
Die
kommissie wat die stemming reël kon egter nie die SPLM se skatting bevestig
nie. Stemming het Sondag begin in die referendum wat Soedan die jongste nasie
ter wêreld kan maak.
Die
referendum was beloof in ‘n 2005 vredesonderneming wat ‘n 21 jaar lange
burgeroorlog tussen die Moslem noorde en die Christelike suide beëindig het.
Om
geldig verklaar te word, is ‘n 60% opkoms van stemmers ‘n vereiste. Meer as 50%
van kiesers moet onafhanklikheid kies vir die suide om af te skei.
Voorlopige
resultate word aan die begin van Februarie verwag en die finale resultate teen
15 Februarie. Sowat vier miljoen burgers het geregistreer om te stem in die suide;
insluitend talle Suid-Soedannese in die buiteland.
Volg Nuus24 op Twitter.