Suid-Soedan rou nie oor afskeiding
2011-01-25 22:36
Khartoem - Soedan sal nie oor afskeiding rou nie, aangesien 99% van die land se kiesers vir onafhanklikheid gestem het, het president Omar al-Bashir gesê.
“Ek sal die aankondiging voor die verkiesingskommissie maak: Afskeiding het ‘n realiteit geword,” het Bashir tydens ‘n toespraak in Al-Damer, 300km noord van die hoofstad, gesê.
“Ons gaan nie rou nie,” het al-Bashir gesê.
“Afskeiding is nie die einde van geskiedenis nie. Dit is ‘n nuwe begin,” het hy in ‘n televisietoespraak gesê.
Meer as 98,8% van die land se kiesers het vir afskeiding gestem tydens die land se onafhanklikheidsreferendum, volgens voorlopige resultate wat op die Suid-Soedanse Referendum Kommissie se webwerf bekend gemaak is.
Volg Nuus24 op Twitter.
- SAPA