Stralers bots tydens seremonie
2011-08-21 19:02
Harare – Zimbabwe se staatsmedia het berig twee lugmag-stralers het mekaar getref tydens ‘n oorvlieg-seremonie by ‘n staatsbegrafnis.
Hoewel metaalstukke van die stralers afgebreek en na die grond geval het, kon die vlieëniers veilig land.
Drie Chinees-geboude K8-stralers het Saterdag in formasie gevlieg oor die begrafnis van die afgetrede generaal Solomon Mujuru.
Afgebreekte metaalstukke van die stralers het naby ‘n sportstadion ‘n paar honderd meter weg van die begrafplaas waar politieke leiers en sowat 40 000 roubeklaers was, het kol. Overson Mugwisi, woordvoerder van die weermag, aan die staat se Sunday Mail-koerant gesê.
Geen beserings is aangemeld nie.
Ooggetuies het aan die koerant gesê een van die stralers het in die lug getol voordat die vlieënier beheer herwin en na die nabygeleë Harare-lugmagbasis gevlieg het.
- Volg Nuus24 op Twitter
- SAPA