Stemmery in Gaboen begin laat
2009-08-30 09:48
Libreville – Gaboenese kiesers moes nog ietwat langer geduldig wees om hul kruisie te trek nadat stemlokale hier laat oopgemaak het.
Stemlokale was veronderstel om 06:00 Sondagoggend oop te maak, maar talle mense in vier distrikte het ’n uur later steeds in toue gewag.
Die verkiesing word gehou om die ontslape Omar Bongo Ondimba, wat in Junie vanjaar dood is, te vervang.
Bongo het dié land vir 41 jaar regeer.
Beamptes was nie onmiddelik beskikbaar vir kommentaar oor die vertraging nie.
Meer as 810 000 mense in dié land kan vir een van die 18 presidensiële kandidate stem.
Bongo se seun, die voormalige minister van verdediging, Ali Bongo (50), is een van die gunstelinge om die verkiesing te wen.
– Sapa-AFP