Somaliese rebelle staan saam
2010-02-02 03:54
Mogadishu – Somaliese militante groepe, spesifiek die Al-Sjabaab-rebelle en kleiner groepe in die suidelike dele van die land, het ingestem om saam te werk, en terselfdertyd hul lojaliteit aan Al-Kaïda verklaar.
Alhoewel die verklaring reeds op Vrydag, 29 Januarie uitgereik is, het Reuters dit eers op Maandag, 1 Februarie in die hande gekry.
Somalië het die afgelope twee dekades geen effektiewe regering in plek nie, wat beteken dat rebelle-groepe, misdadigers en seerowers hoogty vier in dié Afrika-land.
Westerse sekuriteitsagentskappe sê die land is ook 'n veilige hawe vir Islamitiese militante groepe, wat dit gebruik om aanvalle in die streek en oorsee te beplan.
Lees meer by Reuters