Somalië verhoed 40 LP’s om die land te verlaat
2011-05-10 16:01
Mogadisjoe - Sekuriteitsbeamptes by die Mogadisjoe-lughawe het meer as 40 Somaliese parlementslede verhoed om die land te verlaat, het beamptes Dinsdag gesê.
“Sekuriteitsbeamptes by immigrasie het ons gekeer nadat hulle ‘n brief van die departement van binnelandse sake gekry het. Ons kon dus nie reis nie. Dit was ‘n groot verleentheid,” het Awad Ahmed Asharo, een van die parlementslede, gesê.
Die groep was Maandagaand op pad Nairobi toe om ‘n werkswinkel by te woon.
Bronne reken die reisverbod kan verbind word met ‘nuitgerekte twis tussen president Sharif Sheikh Ahmed en Sharif Hassan Sheikh Adan, die speaker van (die) parlement.
“Meeste van die parlementslede wat verhoed is om te reis is ondersteuners van die speaker. Ek dink die voorval hou beslis verband met die land se politieke krisis,” het ‘n sekuriteitsbeampte op voorwaarde van anonimiteit gesê.
- Volg Nuus24 op Twitter.
- Sapa - AFP