Soedan-referendum amptelik geldig
2011-01-13 16:04
Djoeba - Die opkoms van 60% van die land se stemmers by stembusse in Soedan beteken dat die land se referendum geldig is.
Souad Ibrahim van die referendumkommissie het die 60% opkoms bevestig en daarmee saam die geldigheid van die referendum.
“Die 60% merk is behaal en selfs oorskry,” het Ibrahim gesê.
Voormalige Amerikaanse president Jimmy Carter het as getuie ook die getal bevestig.
Stemmery het Sondag begin in die referendum, wat Soedan die jongste nasie ter wêreld kan maak.
Die referendum was beloof in ‘n 2005 vredesonderneming wat ‘n 21 jaar lange burgeroorlog tussen die Moslem noorde en die Christelike suide beëindig het.
Volg Nuus24 op Twitter.
- Sapa - AFP