Soedan het wapens aan Libiese vegters gegee
2011-10-27 13:30
Kartoem – Omar al-Bashir, die president van Soedan, het Woensdag gesê dat sy regering wapens aan Libië se rebelle verskaf het tydens die agt maande lange opstand teen Muammar Gaddafi.
“Een gedeelte van die bewapening van die magte wat Tripoli binnegeval het, was 100 % Soedannees,” het hy gesê.
“Soedan het sy ondersteuning gegee, beide in humanitêre bystand en die verskaffing van wapens, wat aan die rewolusionêre vegters in Misrata en Zawiyah gestuur is.”
Bashir het gesê dat Gaddafi se regime die Geregtigheid- en Gelykheid-beweging in sy 2008 opstand in die Soedannese hoofstad met wapens en finansiële ondersteuning verskaf het. Dit het die Darfoer-rebelle in staat gestel om oor die Nyl na Omdurman van Kartoem af te gaan.
– Volg Nuus24 op Twitter.
- Sapa - AFP