Soedan bombardeer hul nuwe buurland
2011-11-10 18:07
Nairobi – Ten minste 12 mense is dood toe die Soedannese
weermag hul nuutgevormde buurland, Suid
Soedan, gebombardeer het.
Sowat 20 mense is ook beseer toe Soedan 'n area genaamd Yida in Suid-Soedan gebombardeer het.
'n Vlugtelingkamp in Yida is in die aanval getref.
Jonathan Hutson, ‘n woordvoerder vir Enough, sê een van die bomme het binne die vlugtelingskamp
geland, terwyl drie ander bomme in die area rondom die
kamp ontplof het.
Enough is ’n Amerikaanse projek met die doel om volksmoord en misdade teen die mensdom
tot ’n einde te bring.
Spanning het kort na Suid-Soedan se onafhanklikwording in Julie dadelik in die grensstreke opgevlam, en ‘n vredesooreenkoms kon nog nie bereik word nie.
Volg Nuus24 op Twitter.
- Sapa - AP