Soedan: Noorde en suide sal verder onderhandel
2011-07-05 10:51
Addis Ababa – Die noorde en suide van Soedan het Maandag ingestem om aan te hou met onderhandelinge oor probleme tussen die twee dele van die land voor die suide onafhanklikheid verkry op 9 Julie, het Igad, ’n interregeringsinisiatief in Oos-Afrika, gesê.
Suid-Soedan verkry Saterdag onafhanklikheid maar daar is steeds belangrike probleme wat onder die Omvattende Vredesooreenkoms (OVO) van 2005, wat deur Igad bemiddel is, uitsorteer moet word.
Dié organisasie, wat uit ses nasies bestaan, het Maandag ‘n beraad in Addis Ababa gehou wat deur president Omar al-Bashir, Soedan se president, en sy suidelike eweknie, Salva Kiir, bygewoon is. Die implementering van OVO was bo aan die agenda.
Igad het gesê hy prys die twee leiers omdat hulle ingestem het om die onderhandelinge na 9 Julie verder te neem.
Alle uitstaande probleme binne die OVO, insluitend die finale stand van Abyei, die omstrede grensdorp, die afbakening van die grens, olie en skuld moet nog bespreek word.
– Volg Nuus24 op Twitter.
- Sapa - AFP