Soedan: Darfoerse stamlede tereggestel deur weermag
2011-06-10 16:36
Kartoem - Militiabeamptes wat deur die Soedannese weermag ondersteun is, het 16 lede van die Zaghawa-stam in die noorde van Darfoer tereggestel nadat hulle probeer het om hulle gesteelde vee te red.
Volgens ‘n menseregtegroep kan dit as ‘n oorlogsmisdaad geklassifiseer word.
Sowat 100 militiabeamptes het op 1 Junie vier etniese Zaghawa-dorpies naby Shangil Tobaya geplunder en het van die mense se besittings en vee gesteel, het die Afrikaanse Sentrum vir Justisie en Vredestudies in ‘n verslag gesê.
‘n Groep inwoners wat dit reggekry het om van hulle gesteelde vee en besittings terug te kry is op pad terug na die dorp toe deur Soedannese troepe in weermaguniform aangekeer.
Negentien van die Zaghawa-groep is in hegtenis geneem en na ‘n ander dorp geneem waarna 16 van hulle deur ‘n vuurpeloton tereggestel is.
Die lyke is in 'n oop gebied gelaat terwyl die drie mans wat nie geskiet is nie na die Shangil Tobaya- militêre kamp geneem is, waar hulle tans in aanhouding is.
- Volg Nuus24 op Twitter.
- Sapa - AFP