Soedan: Byna 200 dood toe boot brand
2011-07-06 12:40
Kartoem – Byna 200 mense is dood toe ‘n boot met immigrante aan die brand geslaan het in die Rooi See naby die Soedannese kus, het ‘n amptelike nuusagentskap Woensdag gesê.
Drie mense is gered maar 197 het glo verdrink. Daar is egter steeds ‘n soektog onderweg na oorlewendes, het die Soedannese Mediasentrum gesê.
Dit is nog nie bekend wat die brand veroorsaak het nie. Die brand het ontstaan nadat die boot reeds vir vier ure geseil het.
Die vier Jemeense eienaars van die boot, wat in Kuba geregistreer is, is in hegtenis geneem.
Die slagoffers was van Afrika-lande rondom Soedan wat na Saoedi-Arabië onderweg was.
– Volg Nuus24 op Twitter.
- Sapa-DPA