Soedan: 12 dood in gevegte oor die grens
2011-05-04 17:51
Juba - Volgens 'n beampte is minstens 12 mense die afgelope week dood ná hernude gevegte in Soedan se mees bestrede grensgebied.
Deng Arop Kuol, die hoofadministrateur van die omgewing, het gesê hy vrees nóg soortgelyke aanvalle in die volgende paar weke voordat Suid-Soedan in Julie onafhanklik word.
Die suide het in Januarie gestem om van die noorde te skei, maar die toekoms van die Abyei-omgewing bly onseker. Hulpgroepe en ontleders het gewaarsku dat gevegte oor dié area toekomstige verhoudings tussen die noorde en die suide in bedreiging kan bring.
Kuol het gesê ‘n groep van die noorde se weermag was Sondag by ‘n polisie-kontrolepunt gestop toe die groep probeer het om deur die Abyei-omgewing te beweeg sonder toestemming van die suide se regering. Ten minste 12 mense is in dié geveg dood.
- Volg Nuus24 op Twitter.
- Sapa - AP