Skip met 600 aan boord sink
2011-09-10 10:13
Zanzibar – ‘n Skip met sowat 600 mense aan boord het langs die kus van Tanzanië gesink en ongeveer 300 mense word vermis, het oorlewendes gesê.
‘n Plaaslike regeringsamptenaar het Saterdag gesê dat hulle minstens 250 mense gered het.
“Ons kon tot dusver 250 mense red, insluitende 20 kinders, (maar) reddingspogings word bemoeilik as gevolg van ‘n tekort aan toerusting,” het Issa Gavu aan AFP gesê.
Die M.V. Spice Islanders was glo baie oorlaai en het rondom 01:00 gesink in ‘n gebied met sterk seestrome en diep waters tussen Tanzanië en Pemba-eiland, het een van die oorlewendes, Abdullah Saied, gesê
– Volg Nuus24 op Twitter
– AP
- Sapa - AFP