Skietery en brande op wittes se plaas
2009-10-31 04:29
Harare - 'n Groep kwaaddoeners het Vrydagaand toegeslaan op 'n plaas wat besit is deur wit Zimbabwiërs en in die proses op plaaswekers geskiet en vure gestook.
Drie plaaswekers is ernstig gewond tydens die besetting. 'n Man en twee vroue is in die hospitaal opgeneem met skietwonde. Hulle is glo met rubberkoeëls geskiet.
Rubberkoeëls word gewoonlik met outomatiese gewere geskiet, wat in dié land volgens wet slegs aan wetstoepassers uitgedeel is.
Luidens 'n plaaslike plaaswerkersunie is die plaas beset vir 'n hooggeplaasde beampte in die land se sentrale bank.
Die skietery op die Wilfrieda-plaas in die Chinhoyi-distrik sowat 100km noord van Harare toon op die verhoogde spanning in die land sedert nuwe gevalle van geweld onlangs uitgebreek het.
Daar word geglo die ondersteuners van pres. Robert Mugabe is die kwaadstokers in die nuwe vlaag geweld.
Dít volg op Premier Morgan Tsvangirai se besluit twee weke gelede om weg te breek van Mugabe se koalisieregering.
Volgens amptenare van plaaswekersunies is dit die eerste keer sedert Mugabe se veldtog in 2000 om plase van witmense af te neem wat gewere op plaasarbeiders gerig en gebruik is.
- Sapa