Skaars skilpaaie op pad na Asië onderskep
2011-07-29 12:49
Antananarivo – Die polisie in Madagaskar het op sowat 200 skaars skilpaaie beslag gelê en twee mans in hegtenis geneem wat probeer het om die skilpaaie na Indonesië te smokkel, het Traffic, ‘n internasionale groep wat die handel in wilde diere monitor, gesê.
Volgens Traffic kom die skilpaaie net op Madagaskar en in die Indiese Oseaan voor.
Die skilpaaie word glo as troeteldiere in die suid-ooste van Asië verkoop, het Richard Thomas, woordvoerder vir Traffic, gesê.
Grenspolisie het die skilpaaie Maandag in ‘n kartondoos en in groot sakke op die aanloopbaan van die internasionale lughawe in Madagaskar gevind.
Dit sou via Nairobi, Kenia en Doebai in die Verenigde Arabiese Emirate gevlieg het.
– Volg Nuus24 op Twitter.
- Sapa - AP