Sirte: 100 dood toe brandstoftenk ontplof
2011-10-25 13:31
Sirte – Meer as 100 mense is dood nadat ‘n brandstoftenk in Sirte, Libië ontplof het minder as ‘n week nadat Muammar Gaddafi daar gevange geneem en gedood is, het ‘n militêre bevelvoerder Dinsdag gesê.
“Daar was ‘n ontploffing en ‘n groot brand. Meer as 100 mense is dood en sowat 50 ander beseer,” het Leith Mohammed, ‘n bevelvoerder van die Nasionale Oorgangsraad, gesê.
Hy het gesê die toneel was “hartverskeurend, met talle verbrande lyke.”
– Volg Nuus24 op Twitter.
- Sapa - AFP