Sierra Leone tel mankes, ge-amputeerdes
2011-05-28 13:13
Freetown - Die regering van Sierra Leone doen 'n sensus van gestremde bedelaars, waarvan talle sonder ledemate gelaat is tydens die land se gewelddadige burgerlike konflik.
Die regering in die Wes-Afrika-land hoop dat die telling 'n oplossing sal vind vir die probleem van wat in die land se strate ingedryf is nadat hul dorpies deur rebelle ingeval en verwoes is.
"My arm is afgekap deur rebelle toe hulle Pujehun in 1999 binnegeval het," het een bedelaar, Sullay Turay, aan AFP gesê.
Meer as 100 hutte is in die voorval afgebrand en talle inwoners is vermoor.
"Dis nie iets wat ek wil onthou nie," het Turay gesê.
Die minister van welsyn, Dennis Sandi, sê die regering is op soek na akkurate data van die hoeveelheid bedelaars in die land.
"Ons wil hulle situasie verander en hulle van die strate afkry," het hy gesê.
Volg Nuus24 op Twitter.
- AFP