Sierra Leone: 85.6% van polisielede korrup
2011-04-01 11:07
Freetown – Sierra Leone se polisie is die land se mees
korrup staatsafdeling, het die nasionale anti-bedrogeenheid gesê.
Tydens ‘n teenkorrupsie-seminaar het Joseph Kamara gesê sowat 85%
van die polisiemag deel aan die kwaad. “Verkeerspolisie is die mees korrup
staatsamptenare,” het hy bygelas.
Doeaneamptenare is kort op hul hakke met sowat 77% van
amptenare wat die kat in die donker knyp. Regswerkers is derde met ‘n
korrupsievlak van sowat 72%.
Slegs sowat 1 000 van die land se sowat 73 000 staatsamptenare het voor Donderdag se spertyd hul bates verklaar.
Die doel van die verklaring van bates is om “korrupsie te
beveg en teenstrydige belange aan die lig te bring,” het Saidu Mansaray, ‘n
amptenaar van die kommissie, gesê.
Amptenare het geweier om te onthul of president Ernest
Koroma sy bates verklaar het al dan nie.
Volg Nuus24 op Twitter.
- SAPA