Ses vrygelaat in Somalië
2009-08-11 18:27
Parys – Vier Europese bystandswerkers en twee vlieëniers van Kenia is Dinsdag na nege maande se gevangenisskap in Somalië vrygelaat.
Dis is te danke aan pogings van amptenare, godsdienstige leiers en besigheidsmanne, het Somalië se minister van sekuriteit gesê.
Die Franse bystandsgroep Action Against Hunger het gesê dat die ses “almal gesond was” en hulle sal mediese ondersoeke ondergaan.
Gewapende mans het die ses in November in Dhusamarb, 580km noorde van Mogadisjoe, gevange geneem terwyl hulle oppad was na die lughawe vir ‘n vlug na Kenia.
Volgens die Bulgaarse regering het die Europeërs bestaan uit twee Franse, een Belg en een Bulgaar.
“Sover as wat ons weet is geen losprys vir hulle vrylating betaal nie. Hulle het veilig gereis van die lughawe in Mogadisjoe,” het die minister van sekuriteit, Abdullahi Mohamed Ali gesê.
- Sapa-AP