Ses dood ná ontploffing in Nigerië
2011-12-07 18:38
Kaduna, Nigerië – Ten minste ses mense is dood nadat ‘n groot ontploffing Kaduna, ‘n stad in die noorde van Nigerië, Woensdag geruk het, het ooggetuies gesê.
Volgens ‘n plaaslike joernalis is ses lyke uit die puin verwyder. Die ontploffing het ‘n aantal winkels verwoes.
Shehu Sani, ‘n ander ooggetuie en lid van die menseregtekongres van Nigerië, het gesê daar is talle mense dood, maar hy het nie ‘n presiese sterftesyfer gegee nie.
“Daar was ‘n kort tydjie gelede ‘n ontploffing in Kaduna. Dit het talle geboue en winkels verwoes. Lyke word deur veiligheidsbeamptes uit die puin verwyder. Daar is ambulanse wat die verminkte lyke weggeneem het.”
Dit is nog onduidelik wat die ontploffing veroorsaak het.
Die polisie wou nie dadelik kommentaar lewer nie.
– Volg Nuus24 op Twitter.
- Reuters