Sengalese studente bots met polisie
2012-02-02 18:00
Dakar – Studente het 'n bus aan die brand te steek en gedreig om tot by die Senegalese president se paleis te loop, 'n dag nadat een van hul klasmaats tydens 'n betoging gesterf het uit protes teen 'n beslissing dat die 85-jarige pres. Abdoulaye Wade vir 'n derde termyn kan staan.
Volgens supt. Harona Sy het die polisie Woensdag traangas gebruik om die betogers uitmekaar te kry.
Sy het ook aan die polisie gesê om die studente in bedwang te hou omdat hulle treur oor die dood van een van hul mede-studente.
Woensdag se botsings is die derde dag van betogings nadat die land se hoogste hof Wade toegelaat het om vir 'n derde termyn te staan.
Die grondwet was hersien en 'n maksimum termyn van twee jaar is ingestel. Baie Sengalese sowel as internasionale kenners sien die hof se besluit egter as polities gemotiveerd.
Dinsdag het duisende betogers bymekaargekom en gevra dat Wade die trekpas kry.
Dit is nog nie bekend of die student, wat deur die plaaslike media as Mamadou Diop geïdentifiseer was, omgery is en of hy geval het en vertrap is nie.
Volgens Sy is hulle besig om sy dood te ondersoek. Hy het egter gesê dit is hoogs onwaarskynlik dat die student deur een van die polisie se pantservoertuie omgery was.
– Volg Nuus24 op Twitter.
- SAPA