Senegalese president staan vir derde termyn
2012-01-24 12:58
Dakar – Pres. Abdoulaye Wade van Senegal het amptelik aansoek gedoen om vir ‘n derde termyn as president te staan, het Senegal se amptelike nuusagentskap berig.
Die verkiesing word in Februarie gehou.
Die Senegalese Nuusagentskap het gesê Wade se veldtogbestuurder, premier Souleymane Ndiaye Ndene Ndiaye, het Maandag Wade se aansoek namens hom by die land se konstitusionele hof ingedien.
Die aansoek bring ‘n einde aan gerugte oor of Wade (85) sal aansoek doen om vir ‘n derde termyn as president te staan.
Nadat Wade in 2000 tot president verkies is, is daar 'n beperking geplaas op die aantal termyne wat 'n president mag dien.
Wade het gesê die wet is nie terugwerkend nie. Hy het ook gesê hy is tot president verkies toe daar geen beperkinge op die aantal termyne was nie, dus kan hy toegelaat word om vir 'n derde termyn te staan.
– Volg Nuus24 op Twitter.
- Sapa - AP