Senegal ontplooi troepe om geweld te onderdruk
2011-06-29 11:36
Dakar - Senegal het ekstra troepe ontplooi en gewaarsku teen verdere geweld nadat ‘n golf van woede losgebars het oor kragonderbrekings van oor die land heen, waartydens regeringsgeboue aan die brand gesteek is.
“Verdediging- en veiligheidsmagte het instruksies gekry om te ontplooi as dit nodig is om orde te handhaaf. Hulle moet alles in hulle vermoë doen om hierdie dade van roof en vandalisme stop te sit,” het Ousmane Ngo, die minister van binnelandse sake, gesê.
Hy het ook gesê daar word reeds ondersoeke gedoen om die oortreders wat die regeringsgeboue aan die brand gesteek het, te identifiseer.
“Die regering doen alles in sy vermoë om die veiligheid van mense en goedere te verseker en om openbare orde te handhaaf,” het Ngo gesê.
- Volg Nuus24 op Twitter.
- Sapa - AFP