Senegal: Een dood tydens twis oor biobrandstof
2011-10-27 16:49
Dakar – ‘n Betwiste biobrandstofprojek in die noorde van Senegal het gelei tot gewelddadige skermutselings tussen inwoners, waartydens een dood is en twee mense ernstig beseer is, het die polisie Woensdag gesê.
‘n Polisiebeampte het gesê dat inwoners van die Fanaye-dorp “met stokke en pangas geveg het” tydens ‘n onderonsie oor die projek.
Fanaye is in die Senegal Rivier-valei naby die grens met Mauritanië en is een van die land se streke waar die meeste landbouproduksie plaasvind.
Volgens plaaslike media is die inwoners kwaad omdat duisende hektaar grond aan ‘n Italianer gegee is wat biobrandstof wil vervaardig. Dit het die inwoners bekommerd dat hulle weivelde gaan verloor en ontwortel gaan word.
– Volg Nuus24 op Twitter.
- Sapa - AFP