Seerowers kaap tenkskip, kies koers na oop see

2012-09-05 07:25

Kuala Lumpur – 'n Groep seerowers het 'n olietenkskip wat deur 'n maatskappy in Singapoer besit word, in die Nigeriese hawestad Lagos gekaap.

Dit is die derde aanval van sy soort in die Golf van Guinee in slegs twee weke, het die Internasionale Maritieme Buro Woensdag gesê.

Die vaartuig, met 23 bemanningslede aan boord, was met brandstof gevul, het die buro se kantoor in Kuala Lumpur gesê.

Die seerowers het intussen met die skip die oop see ingevaar. Geen verdere besonderhede oor hoe die kaping plaasgevind het, is tans bekend nie.

– Volg Nuus24 op Twitter.

- SAPA