Seerowers het nou visier op Wes-Afrika
2011-09-15 14:13
Lagos – Die Internasionale Maritieme Buro het gewaarsku dat die vlaag kapings aan die kus van Wes-Afrika 'n aanduiding kan wees dat dié streek die nuwe middelpunt van skeepskapings kan word, berig RSG.
Vroeër is 'n olietenkskip, wat onder die Ciprus-vlag vaar, as vermis aangemeld nadat dit langs die kus van Benin olie na 'n ander vaartuig oorgetap het.
Daar was vanjaar 'n merkbare toename in die aantal kapings en sedert Maart is 18 skepe gekaap.
Die Oos-Afrika kus is ook 'n gewilde plek vanwaar Somaliese seerowers bedrywig is.
– Volg Nuus24 op Twitter.