SAOG stel Zim-ultimatum
2010-08-20 12:20
Kaapstad – Leiers binne die Suider-Afrikaanse Ontwikkelingsgemeenskap (SAOG) het hulself ses maande gegee om die grondhervormingsprogram in Zimbabwe te hersien.
Dit kom na die SAOG se besluit vandeesweek tydens hul jaarlikse konferensie in Windhoek, Namibië, om nie pres. Robert Mugabe te konfronteer nie.
Dié SAOG-tribunaal het in 2008 en verlede jaar in Windhoek beslis Mugabe se grondhervormingsprogram onwettig en rassisties verklaar en gesê dat boere wat verdryf is na hul plase moet kan terugkeer.
Suid-Afrika se adjunk-president, Kgalema Motlanthe, het tydens ‘n parlementêre sitting gesê Afrika-leiers binne die organisasie het besluit om hulself ses maande te gee om die situasie in Zimbabwe te hersien en aan te spreek.
Motlanthe het nie uitgebrei oor wat die SAOG se stappe sal wees indien Mugabe in dié ses maande nie toegee tot die SOAG se oorspronklike besluit oor die grondhervormingsprogram in Zimbabwe nie.
- Reuters
Volg Nuus24 op Twitter.