SADC beplan mobiele MIV-kliniek
2010-11-17 13:39
Johannesburg - Die Suider-Afrikaanse Ontwikkelingsgemeenskap (SADC) beplan om mobiele MIV/Vigs-klinieke langs hoof- handelsroetes in verskeie lande op te rig.
Volgens die departement van gesondheid is hierdie besluit tydens ‘n SADC-vergadering in die Demokratiese Republiek van die Kongo gemaak. Die vergadering het op 10 en 11 November plaasgevind.
Gwen Ramokgopa, adjunkminister van gesondheid, het Suid-Afrika by die vergadering verteenwoordig.
Die doel van hierdie mobiele MIV-klinieke langs hoofroetes is glo om die uitdagings wat die stryd teen MIV en Vigs in die gesig staar, aan te spreek.
Dit sal ook kwessies van grensbeheer vir mobiele klinieke aanpak.
Volg Nuus24 op Twitter.
- SAPA